Birmingham

السلام عليكم ..
الدراسة : مدينه هاديه وصغيره يعني مناسبة للدراسه معهد الجامعه ( University of Alabama at Birmingham ) فيلو 5 ليفلز والدراسه فيه قوية وأما بالنسبة للجامعه مااعرف مادرست فيها وفي المدينة كذا جامعه خاصه .
* فيها مركز لإختبار التوفل والجي آر اي بس مافي لإختبار الايلتس وأقرب مدينة لها لإختبار الايلتس هيا ( Montgomery )
السكن : بالنسبه لسكن الجامعه مااعرف عنو بس في شقق داخل الكامبس والناس اللي عاشو فيها يقولو انها آمنه ومناسبه مثل 1- university place
2- university house
أسعارها من 1000 إلى فوق تتضمن الكهربا والمويا ومفروشه.
أما خارج الكامبس في كذا شقق غير مفروشه لكن سعرها مناسب بعضها يطلب social security number وبعضها رخصة السواقه الأمريكة تكفي وبعضها بالباسبورت وأنا عشت في وحده منها وكانت آمنة.
اسعارها من 600 وفوق بس مهي مفروشه ومن غير كهرباء ومويا .
* شرايح الجوالات فيها تي موبيل وأي تي اند تي وتغطية التي موبيل احسن .
* الناس راقين هناك وتعاملهم راقي وأعداد السعوديين قليله بس بتزيد كل تيرم وبرضو في عدد من العرب كبير .
* في أكثر من مسجد وفي بقالة عربية وفي مطاعم عربيه بس مو كثير .
* الجو : حار في الصيف بس اللي من الحجاز محتفرق معاهم كثير ومو أحر من فلوريدا وتكساس وفي الشتاء البرد خفيف وحلو ومحتمل ومو كل سنه ينزل ثلج ولو نزل واحد يوم وينتهي .
* لايوجد نادي سعودي إلى الآن هناك بس السعوديين هناك مايقصرو لأي مساعده .
* المواصلات : مافي غير الباصات بس مايمدحوها يقولو مو آمنه أو سيارتك الخاصه.
الخدمات الترفيهيه : طبعا مو كثير مقارنة بأي مدينة كبيره في أمريكا بس فيها أشياء حلوه وتكتشفوها مع الأيام مثل ( سينما - بولينج - بينتنج بول - أيس سكيتنج - حدائق - بحيره - مركز تكنولوجيا ) وغيرها اشياء ثانية .
أعتذر على الإطالة وأتمنى الاستفاده

مدينة رائعه للدراسه