Miami مشهور

بسم الله نبدأ

أنا عشت في ميامي اكثر من سنة وانشالله افيدكم في اللي اقدر عليه
الأمان : زي ماقالت الأخت غادة لو عرفت فين ومتى تروح الوضع امن.. ويعتمد بشكل كبير جدا جدا عالمنطقة اللي تسكن فيها لكن دائماً تسمع في الاخبار وبشكل شبه يومي عن مشكلة
أسعار السكن: تعتمد كمان عالموقع.. المواقع الآمنة دي بريكل والداون تاون أسعار السكن فيها غالي يعني متوسط الغرفة ١٥٠٠ والغرفتين ١٩٠٠
الخدمات الترفيهية: ميامي مدينة سياحية وبالتالي الخدمات الترفيهية كثيرة وممتعة جداً عشان كدا ميامي تعتبر من افضل المدن سياحيا في العالم
المناخ: جو فلوريدا بشكل عام معتدل وحلو في الشتاء و يكون حار جداً في الصيف

ميامي زي ماقلت مدينة سياحية وجميلة تنفع للطالب اللي يقدر يركز وينتبه للدراسة ويعرف يوازن بين الترفيه والمذاكرة
أنا اشوف انه من الصعب على الطالب اللي يعيش في ميامي انه يعتمد على المكافأة لوحدها خصوصا لو كان يبغا يسكن في شي امن ونظيف وأشوف انه اللي يبغا يدور سكن لايدور الا في بريكل والداون تاون اجمل واامن منطقتين
في رأيي الشخصي جميع معاهد ميامي دون المستوى ماعدا معهد university of Miami اللي يعتبر من افضل المعاهد في امريكا وانا شخصيا درست فيه واشوفه ممتاز وعلى مستوى عالي جداً
الجالية المسلمة تعتبر قليلة جداً والمطاعم والمحلات العربية قليلة وجودتها عادية لكن على بعد ٣٠ دقيقة في مدينة فورت لودرديل وتقريبا كل شي متوفر فيها
المواصلات العامة تعتبر متوفرة وجيدة نوعا ما وتقدر عن طريقها توصل للجامعة بسهولة لكن المدينة كبيرة وتحتاج فيها سيارة لمشاويرك الخاصة
حوالي ٨٠٪ من سكان المدينة لاتينين ونسبة السعوديين بتزداد كل شهر

انشالله اكون أفدتكم وأي استفسار تاني أنا تحت أمركم

Such a great city, really love it

ميامي تعتبر مدينه سياحيه على مدار السنه وذلك باعتبارها مدينه ساحليه تتميز بجو معتدل في الشتاء وكونها مركز لكثير من الاحتفالات والمعارض. الكثيير يتكلم عن مستوى الامان في مدينه ميامي ويتخوف منها, لكن ميامي تعتبر مدينه أمنه اذا عرفت أين تذهب ومتى. لا تذهب لمصدر الخطر وأنت بأمان ولا تخرج بالليل وحدك مشيا على الأقدام. أسعار الايجارات تختلف بحسب المنطقه السكنيه فاذا سكن الطالب في الداون تاون او منطقه بريكل فستكون الايجارات مرتفعه تتراوح بين 1300 للاستوديو و 1500 لغرفه واحده, لكن بمالقابل الشقق تتميز بدرجه عاليه من الأمان في أبراج سكنيه جميله جدا وفي قلب الاحداث السياحيه على مدار السنه. الباحثين عن المناطق الاكثر هدوء وأقل أسعار عليهم السكن بالقرب من الجامعات. تعتبر مدينه ميامي مدينه امريكيه لاتينيه فأغلب سكانها من أمريكا الجنوبيه ولغتهم هي اللغه الاولى في المدينه ولا يعني ذلك لا يوجد من يتحدث الانجليزيه. على العكس اغلب المتحدثين بالاسبانيه يتحث اللغه الانجليزيه ولم أجد صعوبه يوما في اللغه كوني لا أتحدث اللغه الاسبانيه. سمعت كثيرا من الطلاب خارج ميامي كيف يستطيع الطالب الدراسه في وسط كل هذه الاجواء الترفيهيه؟ على العكس تمام فطلاب المدينه كغيرهم من السكان يعرفوا جيدا الموازنه بين حياتهم والترفيه فوجودك في قلب الحدث لا يعني بالضروره أنك ستضرر من الفعاليات والاحتفاليات, كل انسان مسؤول عن تصرفاته واختياراته وكيف يوزع وقته. لا أستطيع التحدث بالنيابه عن طلاب مرحلة اللغه لاني لم أدرسها في ميامي لكن نصحيتي لجميع الطلاب في أي مدينه هي أن اتقان اللغه لا يعتممد على المعهد بس يعتمد على الطالب نفسه والطرق لاتقان اللغه كثيره مصادقه الجيران ومشاهدة التلفزيون قراءه المجلات متابعة الاخبار.