Miami مشهور
معاينات الأعضاء
maan
one of the best cities in the states
ميامي بالنسبة لي اعتبرها مدينة جميلة من نواحي كثيره بالنسبة للأمان ولله الحمد لعتبرها امنة جدا ولا فيوم حسيت بعدم الأمان بالنسبة للأجوار اتوقع معروفه اجواء ميامي في تقلبات الجو لكن اغلبية الجو حار اما للرفية فيها اماكن جميلة للترفيه والتمشي لكن ينمل منها صراحه انا لي 6 شهور في هالمدينة تقريبا المعاهد مشكلتها كثره الطلاب السعوديين فيها لكن الجامعات كويسه جداا السكن اعتبره معقول جدا صراحه لكن تعتمد على الأحياء والمناطق وبالنبسة للمواصلات سيئه جدا جدا يعني هالمدينة يحتاج لها سياره خصوصن بفصل الصيف والأمطار المدينة كبيره جدا جداا وفيها اماكن كثيرة ومناطق انا عجبني في المدينة ان كل شي تبغاه موجود فيه بغض النضر مطاعم او اسواق او منتزهات لكن استغرب من البعض لما يتكلمون عن الأمان صراحه اشوفها امنه جدا حتى للعوائل شعبها جميل جداا
It is multinational city
مشكورين عالمجهود بس نسيتوا تضيفون جامعة barry
بسم الله نبدأ
أنا عشت في ميامي اكثر من سنة وانشالله افيدكم في اللي اقدر عليه
الأمان : زي ماقالت الأخت غادة لو عرفت فين ومتى تروح الوضع امن.. ويعتمد بشكل كبير جدا جدا عالمنطقة اللي تسكن فيها لكن دائماً تسمع في الاخبار وبشكل شبه يومي عن مشكلة
أسعار السكن: تعتمد كمان عالموقع.. المواقع الآمنة دي بريكل والداون تاون أسعار السكن فيها غالي يعني متوسط الغرفة ١٥٠٠ والغرفتين ١٩٠٠
الخدمات الترفيهية: ميامي مدينة سياحية وبالتالي الخدمات الترفيهية كثيرة وممتعة جداً عشان كدا ميامي تعتبر من افضل المدن سياحيا في العالم
المناخ: جو فلوريدا بشكل عام معتدل وحلو في الشتاء و يكون حار جداً في الصيف
ميامي زي ماقلت مدينة سياحية وجميلة تنفع للطالب اللي يقدر يركز وينتبه للدراسة ويعرف يوازن بين الترفيه والمذاكرة
أنا اشوف انه من الصعب على الطالب اللي يعيش في ميامي انه يعتمد على المكافأة لوحدها خصوصا لو كان يبغا يسكن في شي امن ونظيف وأشوف انه اللي يبغا يدور سكن لايدور الا في بريكل والداون تاون اجمل واامن منطقتين
في رأيي الشخصي جميع معاهد ميامي دون المستوى ماعدا معهد university of Miami اللي يعتبر من افضل المعاهد في امريكا وانا شخصيا درست فيه واشوفه ممتاز وعلى مستوى عالي جداً
الجالية المسلمة تعتبر قليلة جداً والمطاعم والمحلات العربية قليلة وجودتها عادية لكن على بعد ٣٠ دقيقة في مدينة فورت لودرديل وتقريبا كل شي متوفر فيها
المواصلات العامة تعتبر متوفرة وجيدة نوعا ما وتقدر عن طريقها توصل للجامعة بسهولة لكن المدينة كبيرة وتحتاج فيها سيارة لمشاويرك الخاصة
حوالي ٨٠٪ من سكان المدينة لاتينين ونسبة السعوديين بتزداد كل شهر
انشالله اكون أفدتكم وأي استفسار تاني أنا تحت أمركم