Saint Paul مشهور

St. Paul هي عاصمة ولاية مينيسوتا وهي بشكل عام جميلة واهلها طيبين وهاديين بشكل عام
نسبة الأمان عالية في المدينة ومن اشهر المدن الأمريكية في معدل الأمان
وهي ملاصقة للمركز المالي والأقتصادي للولاية مدينة منيابلس ولذلك سموهم المدينتين التوأم
الأسعار في الولاية متوسطة ومناسبة للجميع (( المبتعثين من الملحقية + على حسابهم الخاص ))
التواجد العربي والأسلامي كبير وواضح خاصة الجالية الصومالية
المدينة مناسبة للمبتعثين اللي معهم أهلهم وعوايلهم
تتميز المدينة بكثرة حدائقها وشلالتها وبحيراتها وجوها الصافي من التلوث
تعتبر St. Paul و Minneapolis وجهه سياحية هادئة وبسيطة للأمريكان في الصيف لتميزها بجوها العليل فيه
عيب المدينة والولاية بشكل عام هو البرودة شتاء حيث أنها شديدة البرودة وتتراوح درجة الحرارة في الشتاء بين -18 إلى -25 درجة مئوية وفي بعض الأحيان في حالة العواصف الجليدية تصل درجة الحرارة إلى -35 درجة مئوية

من ضمن الجامعات الموجودة في St. Paul هي جامعة University of St. Thomas والتي يوجد بها النادي السعودي بالمدينة وهذه صفحتة على الفيس بوك :: http://www.facebook.com/pages/Saudi-Club-at-UST/175292508833

مدينة St. Paul هي عاصمة الولاية لذلك بتلاقي فيها تقريبا كل اللي تحتاجه.. أهم وأكبر مدينتين في ولاية Minnesota هي الـ Twin Cities اللي هي عبارة عن مدينة St.Paul ومدينة Minneapolis هذي المدينتين من كثر ما هي جمب بعض المفروض تعتبر مدينة واحدة كبيرة, لكنها مقسمة لمدينتين عشان حكومة منيابوليس غير حكومة سانتبول. لكنها لاصقة في بعض وأحيانا ما يمديك تفرق انت في سانتبول ولا مينيابولس.

أنا شخصيا عشت في المدينتين ومع أنهم لاصقين في بعض إلا إني أحس إنو سانتبول أحيائها أرقى وأأمن وكذلك أقرب للي بيدرس في معهد ELS أو جامعة St. Thomas. أنا أنصح بولاية مينيسوتا لو تحب البرد ولو تبغى ولاية فيها جو دراسة, لأن ولاية مينيسوتا بشكل عام مافيها أشياء كتير تشغلك عن الدراسة زي لو كنت في نيويورك او لوس أنجيلوس مثلاً. الولاية مشهورة بتعليمها القوي وجامعاتها القوية وأشهرها جامعة مينيسوتا "University of Minnesota" وكمان مشهورة بشرطة المرور "الصارمين" وصراحة من أأمن الولايات في القيادة بالنسبة لي.

أسعار السكن جداً مناسبة وتقدر تلاقي سكن من 600$ الى 2000$ زي ما تبغى. لكن نصيحة أخوية عن تجربة شخصية, أبداً أبداً لا تقرب من منطقة شمال مينيابوليس "North Minneapolis" لأنها أخطر منطقة ممكن تلاقيها في الولاية. طبعا الولاية عموماً آمنة بشكل ممتاز لكن أكيد في كل مدينة في العالم بيكون في أحياء أو حي خطر.



أنا أخوكم خالد حافظ أدرس في جامعة St. Thomas ولو أي أحد يبغى أي معلومة ولا أي مساعدة أبدا لا يتردد يرسلي إيميل وأنا عادة سريع في الرد على الإيميلات. أو لو ناوي تيجي على هنا وما تعرف أحد أرسلي إيميل وما عليك.
khalid_hafiz@hotmail.com

مدينة حلوه كبيره وبنفس الوقت هادئة

مدينة St.Paul تعتبر من أجمل المدن.. جداً هادئة إلا في أوقات الاحتفالات وهي العاصمة . Minneapolis و St.Paul هادي المدينتين تسمى (Twin Cities) لقربهم من بعض بس غالباً مدينة Minneapolis أكبر وفيها نشاطات أكثر.
- المواصلات فيها متوفرة . فيها باصات تقريبا توصل لكل مكان للجامعات والمولات والمطاعم وتقدر تشوف رقم الباص ومواعيدو والأماكن اللي يوصلها من النت, يعني ازا ما عندك سيارة مو مشكلة .
- الجو فيها مررا بااارد يعني ممكن فصل الشتا يطول أكتر من 5 شهور ويكون جداً بارد يعني توصل 26- . بس في الشتاء فيها نشاطات مرة حلوة زي Ice Skating , Ice fishing, skiing, and snowboarding.
- في الصيف الجو حار والناس في الصيف تشوفها في كل مكان والنشطات اللي في الصيف زي
BBQ in park, free movies and Music in parks, canoeing, biking and skateboarding.
,وفيها ملاهي مرة حلوة وكبيرة اسمها Valley Fair لها أوقات محددة تفتح فيها.
- وكمان فيها Minnesota Zoo and Como Zoo .
- المولات الكبيرة الموجودة فها Mall Of America. Rosedalem and Southdale Center. وفيها Outlets.
- فيها مطاعم عربية كثيرة وبقالات وفيها مساجد كبيرة check it here
http://www.salatomatic.com/c/Minneapolis-St-Paul+42
-السكن فيها مريح وأسعار السكن تعتبر متوسطة . ممكن تسكن عند عائلة أمريكية ولا في سكن الجامعة أو في شقة . السكن كالعادة في الداونتاون أغلى من الأماكن الثانية.
- فيها حدائق مرا كتير والبحيرات فيها more than 10.000 lakes. فيها شلالات زي Minnehaha Falls مرة حلوة خاصة في الصيف.
- فيها اكثر من جامعة معتمدة من الملحقية . والمعاهد اللي موجودة فيها كثيرة مثل Global language institute و ELS -في جامعة سانت توماس. وفي غيرها من المعاهد.
- شعبها مرا حبوبين ويحبو يساعدو وحلو التعامل معاهم وبالنسبة ليا أشوف انو ماعندهم عنصرية ممكن بسبب كثيرة الجنسيات الكثيرة الموجودة فيها والأديان. وفيها جالية كبيرة جداً من الصوماليين.
يعني مكان مرة مريح للدراسة وللعوائل وللناس اللي يحبو الهدوء والبرد.
أتمنى انوأفدتكم ولو بحاجة بسيطة 
-

مدينه جدا رائعه ومناسبه جدا للدراسه