Portland, OR مشهور
معاينات الأعضاء
مدينة جيدة و كويسة والسكان طيبين
مدينة جميلة ،امان ،الاجواء العامة ممتازة ،المواصلات العامة ممتازة جدا
اولا الامان و هي مدينة جدا امنه و الامان بالله
اسعار السكن متفاوته من رخيص الى متوسط الى غالي , على حسب الموقع .. المتوسط من 800 الى 1200 دولار شهرياً
بالنسبة للترفيه الداون تاون جدا حلو و دائما يجون الناس من سياتل و فانكوفر في الويك اند و في باركات جميلة مثل بلو ليك و غيرها
المناخ .. ممطر و غائم معظم السنة و بالصيف جدا جميل و مافي برد كثير مجرد ما تلبس تدفئ
موقعها اشوفه بعيد شوي لنا عشان لا يوجد رحلات دايركت لمكان قريب منها , وهي تبعد عن واشنطن و نيويورك حوالي 5 ساعات و نصف طيران متواصله
بس قريب رح يصير في رحلات دايركت للوس انجلوس و رح يكون اسهل الوصول لبورتلاند
و بالنسبة للمواصلات فيها جدا رائعة و تفوق الوصف بالمواعيد و الاسعار الشهريه للطلاب
بالنسبة لي المدينة رائعه و امنه و جوها مناسب لي و انصح فيها
السلام عليكم يا ليت احد يساعدني .. ان شاء الله بعد شهر وشوي تقريبا جاي على المدينة هذي وبغيت اعرف اذا كان في رقم ل النادي السعودي هناك.
السلام عليكم ,
ياشبااب الي مايبي يحس بالهوم سك يجي لبورتلاند ! كل دقيقتين تشوفلك سعودي ولا سعودية !
المدينة كـ امان انا ساكن بالداون تاون , مره امان ! برا الداون تاون مش بطّال !
كـ جو , والله مطر مطر , بس لطيف الجو , انا بالنسبة لي حبيته ,! يجيك ثلاث ايام مطر ورا بعض , وبعدها يجيك يوم الجو فيه على كيف كيفك , مثل الي يجي عندنا بالسعودية بالسنة مره , هنا يجي كل ثلاث ايام ! يعني خطير الجو ;D
اماكن ترفيهية , مافيها ذاك الزود , يعني ملاهي مافيه , شاطى قريب مافيه , بس فيه اشياء حلوة , فيه اشياء تقدر تروحلها , فيها متاحف ^_^ , فيها حديقة حيوان ^_^ , فيها حدايق وغابات ^_^ , الداون تاون حقها حليو , يعني مو رايح فيها ولا مره واو ! بس يجي منه رايق ^_^
المواصلات , اذا بالداون تاون مافيه اجممد ! , فيه باصات وقطارات وقطار صغير يسمونه ستريت كار مجاناً ^_^ , برا الداون تاون بكل مكان فيه باص , ماتتوهق ابد !
الاسعار , وجبة من ماك بـ 5-8$ دولار , المطاعم ارقى تطلع حسابك 15-20$ دولار , الدخان بـ 6-7$ دولار , السكن مثل ماقالو الشباب ^_^ , المقاضي بالشهر اتقضى بـ 200$ دولار حق شهر :)