Newark, DE مشهور

University of Delaware

مدينة نيوارك صغيرة وقديمة ، واكثر مافيها طلاب ، يعني في الاجازات تصير فاضية ما فيها احد ، اشهر شارع فيها هو (Main Street) اللي فيه أغلب المحلات والمطاعم واللي غالبا الناس تروح تتمشى هناك ، المدينة امنة والحمد لله والشرطة متواجدة على طول (شرطة المدينة ، وشرطة الجامعة) ، المواصلات العامة مع أنها رخيصة جدا الا أنها سيئة ، لازم تنتظر فترة طويلة حق يجيك الباص ، طبعا الجدول موجود بس يتأخر الباص غالبا ، أماكن الترفيه قليلة في المدينة مثل: السينما او الجم او غيرها. أفضل ميزة في المدينة هو موقعها الاستراتيجي ، قريب من المدن الكبيرة مثل: واشنطن دي سي (ساعتين) ، فيلادلفيا (ساعة) ، بالتيمور (ساعة) ، نيويورك (ساعتين ونص)، يعني الترفيه والتمشية قريبة وموجودة. العوائل ما يقدروا يعيشوا في هالمدينة إلا بالسيارة ، توجد فيها حضانات ومدارس امريكية واسلامية.

الله يعطيكم العافيه على المعلومات القيمه .. ممكن تفيدوني بمعلومات عن السكن ؟

المدينة صغيرة وهادئة للدراسة وتتميز بوجود عدد كبير من المحميات والحدائق كما أن الجامعة والمعهد في قلب المدينة حيث تتواجد المطاعم والكافيهات. تتوفر باصات مجانية حول منطقة الحرم الجامعي طوال الوقت. اما المواصلات العامة فتعتبر سيئة نوعا ما حيث أن مواعيد الباصات والقطارات متباعدة واماكنها غير منتشرة. الجامعة ممتازة في كثير من الاقسام وخاصة الهندسة. عدد الطلاب العرب بالجامعة قليل نسبيا خاصة السعوديين لصعوبة الجامعة. المعهد من أقوى المعاهد ويهيأ للمرحلة الجامعية. نسبة الطلاب السعوديين بالمدينة كبيرة ولكن الغالبية العظمى طلاب في المعهد.

مدينه صغيره ملمومه تساعدك على الدراسة