Los Angeles مشهور

المدينة رائعة وانا لي ثلاث سنوات والصراحة ماني شايف مكان مناسب لي غيرها ماعدا إن الغلاء فعلا مو طبيعي او اغلى من المدن الثانية مقارنة بأخوي مثلا يدفع ٨٠٠ ببيت بينما انا ثلاثة بيد روم ادفع ٢٦٠٠ والصراحة يعتبر غالي! لكن لصناع الافلام والميديا اعتقد هي الوجهة هي البلد الي بتحصل ممثلين ، ممثلات، مصورين، عارضات، إضائة ، جريب، معدات ، استوديوهات . الخ .
المدينة آمنة ولله الحمد ولو قارنتها بالسعودية هنا ثلاث سنوات (٠٪ إن سيارتي تنسرق قدام البيت!، الرياض : مرتين انسرقت في شهر واحد ). فا الأمان من عند الله وطبعا منطقة عن منطقة تفرق وفي مناطق الي هي مي آمنه واضحة ومحد يسكن فيها عادة ولا فيها خدمات ولا اماكن تحتاج تروحلها. اما سالفة في الليل حنا عرب ماتحلى الطلعة إلى في الليل والوضع عادي جدا ، انا امشي دائما واتمشى في الليل في منطقتنا والحمد لله الوضع حلو. وبالسيارة طبعا ماعندك اي مشكلة.

- المدينة تحتاج سيارة طبعا لوسع المسافات بينها. بعدين احسب الترافيك إذا انت بتدرس في جامعة حاول تكون قريب منها وإذا انتم اكثر من شخص صيرو في الوسط أو شخص بيضحي بيمشي ابعد، لكن لاتتورط في سكن ومنت حاسب موضوع كم يبعد عن جامعتك.

- الاماكن السياحية كثيرة الصراحة وانا مو هاوي سياحة فا ما ادري ولا اقدر افيد في هالمجال لكن سهل الوصول والمعرفة لها.
- الجو الصراحة معجبني صدق احيانا بررررد في الليل وحر في النهار لكن احلى مافي الاجواء احس قريب مرة من السعودية ! اللهم إني اقدر اطلع الظهر خاصة إن الهواء نفسه مو حاااار في الظهرية لكن الجو بشكل عام حار حار.
- لاتسكن في الداون تاون حاول تبعد عن وسط المدينة والسبب الاول السعر وثانيا الزحمة وبعدها الامان.
- وموضوع لاتصلح للدراسة دراسة عن دراسة تفرق يعني تبي تدرس افلام، بروديوزر، تصوير، اقولك تعال ولاتفكر باي مكان ثاني بالعالم انت لاااازم تكون هنا علشان تستفيد. تبي تدرس طب لا والله شف لك بلد ثانية ماهي فارقة معاك الصراحة لوس آنجلوس أو لويزيانا بالاخير السكن والراحة بالنسبة لك أولى.
وإن شاء الله افدتكم.

السكن غالي جدا اقل غرفة عند عائلة ب ٨٠٠ دولار شهريا، علما بان هذا المبلغ من الممكن ان تستاجر به شقه خاصة بكافة خدماتها في الولايات الاخرى. الامان ايضا منخفض وخاصة بالمناطق المحيطة بجامعه جنوب كاليفورنيا وكافة الاحياء الجنوبية.

مدينه كبيره و جميله. و المرافق الترفيهية كثيره.
انا متواجد فيها للغه. و مستمتع فيها كثير.

تقيماتكم غرريبه ياخي , انا عشت فيها فتررة طويلة والحمدلله الامان فيها كوويس وجوها كويس والسكن على حسب في الغالي وفي المناسب

كل شي فيها حلوووو ماعدا الغلاء والسكن جدا غالي من ناحيه الامان في بعض الخطورة فقط في الليل وباتجاه الداون تاون