California State University-Northridge مشهور
معاينات الأعضاء
القبول فيها سهل لكن الدراسة صعبة
الجامعة رائعه القبول نوعا ما سهل في حاله اكتمال الشروط الخاصه بالقبول. الدكاتره فرندلي، لكن كرررررررررررف طول السمستر، اغلب الدكاتره متخرجين من جامعات مرموقه وعندهم خبره عمليه ممتازة في مجالهم. فيه دكاتره بارت تايم يدرسون في نورثريدج وستانفورد او نورثريدج ويو سي ال اي فجودة التعليم بشكل عام اكثر من ممتازه وما تختلف عن الجامعات القويه. ترتيبها ٢٣ كافضل جامعه حكوميه على مستوى امريكا. وترتيب تخصص "الهندسه" بكالوريوس هو الخامس على مستوى جامعات كاليفورنيا و١٤ على مستوى جامعات امريكا الحكوميه U.S. News & World Report . مشكلتها انه الطلاب في الكلاس الواحد من ٢٥ الى ٣٠ طالب وهذا كثير جدا مقارنه بالجامعات الاخرى. الدراسة في الجامعه لا هي صعبة جدا ولا هي سهله على حسب الجهد اللي تبذله راح تحصل الدرجة اللي تستحقها. العنصريه تكاد تكون معدومه وفيه طلبه سعوديين كثير بحدود ٦٠٠ طالب النادي السعودي له انشطه حلوه بالمناسبات بالاعياد واليوم الوطني لكن ما اشوف لهم دور آخر او هم ما يعلنون عن انشطتهم. بالنسبه لموقع الجامعه فهو ممتاز قريبه من جميع الاماكن السياحيه عيبها الوحيد هو الحر الشديد في الصيف بالاضافه الى ارتفاع الايجارات والمعيشه بشكل عام
الجامعة جيدة
مشاكلها المالية كثيرة
القبول فيها سهل
الدكاترة حبيبين
الانشطة فيها قليلة
اغلب الطلاب من عرق واحد
النادي السعودي فاشل جدا
عدد الطلبة السعوديين ٦٠٠ طالب
اغلب الطلبة السعوديين مبعثرين و لا يوجد تكاتف او مساعدة
سكن الطلاب غالي جدا = ٨٥٠ -١٠٠٠ و معك شخض في الغرفه
السكن حول الجامعه اسعاره كالتالي
غرفة= ٥٠٠
استديو=٨٥٠
شقة بغرفة ١٠٠٠
شقة بغرفتين= ١٣٠٠
بصراحه الجامعه رائعه جدا، لكن العيب الوحيد هو كلاسات الماث. كلاسات الماث تاخرك علئ الاقل سيميسترين من دراستك الاكاديميه. يعني المفترض نخلص في ٤ سنوات او ٤ سنوات ونص، بس مع كلاسات الماث اللي مالها داعي تخليك تخلص في ٥ سنوات او ٥ سنوات ونص